有機宣傳手法可以有幾有機 【笑談講有機】

曾幾何時,我賣有機護膚品時,由於公司最喜愛用「有機」兩字作為最主力賣點,所以我整產品資料時都會經常強調有機兩個字。當時我有一位同事,我地時有討論應該點寫有機產品啲 Selling Point 先可以最做到公司個 Style。早日一齊想當年時,一時技癢想共同探討如果肺炎時期要戴口罩時,應該點出 Facebook Post Sell 有機唇膏。

雖然戴口罩時期 Sell 唇膏點諗都好顛,但都好快就寫咗 Facebook Post 版本一丶
【迷人春妝】疫情下的有機迷人春妝 唇膏必定是重點
“我用左 Puready ar” , 用完出門口喇
搽左唇膏成個人睇落好有精神!
#出門記住戴住眼罩
#口罩武漢肺炎

友人舊同事依據公司思維,覺得有機兩個字唔係好出,所以話:有機兩個字可唔可以擺前啲

有機擺前啲版本二丶
【有機迷人春妝】疫情下的有機迷人春妝 唇膏必定是重點
“我用左 Puready ar” , 用完出門口喇
搽左唇膏成個人睇落好有精神!
#出門記住戴住眼罩口罩
#武漢肺炎

友人舊同事開始走偏咗,話:錯,要 “有機疫情”

版本三丶
【有機疫情】疫情下的有機迷人春妝 唇膏必定是重點
“我用左 Puready ar” , 用完出門口喇
搽左唇膏成個人睇落好有精神!
#出門記住戴住眼罩口罩
#武漢肺炎

雖然唔知點解連迷人春妝都冇埋,但如是者改改下出現版本四丶
【有機疫情】有機疫情下的有機迷人春妝 有機唇膏有機是重點
“我用左有機 Puready ar” , 用完出門口喇
搽左有機唇膏成個人睇落好有機!
#出門記住戴住眼罩口罩
#武漢肺炎

連必定都變成有機,我相信依個就係有機公司最想要嘅 Style,最終版本五丶
【有機疫情】有機疫情下的有機迷人春妝 有機唇膏有機是重點
“我用左有機 Puready ar” , 用完出門口喇
搽左有機唇膏成個人睇落好有機精神!
#出門記住戴住有機眼罩有機口罩
#有機新冠肺炎

最後我叮囑舊同事:記得出 Post 時張相加個相框,要寫住有機的

故事完結,有時我地有機起上嚟,我都有啲機驚。
仲有,Puready 未出有機唇膏,亦未有機出,只係用嚟取代咗某個有機唇膏品牌名,就算有唇膏我亦冇錢搞有機認證。

有機宣傳手法可以有幾有機 【笑談講有機】

發佈留言